Një defekt teknik ka shkaktuar ndërprerje të energjisë elektrike në Ukrainë, Moldavi dhe Rumaninë.
Sipas Ministrit të Energjisë të Ukrainës, Denis Shmyhal, defekti ndodhi në orën 10:42 dhe prek linjat 400 kV që lidhin Ukrainën, Moldavinë dhe Rumaninë, duke shkaktuar mbylljen e disa linjave kryesore të energjisë.
Deri tani, janë raportuar ndërprerje të energjisë në disa rajone të Ukrainës, përfshirë kryeqytetin Kiev, ku dhe metroja u mbyll përkohësisht.
Ndërprerjet kanë prekur gjithashtu Moldavinë, ku në kryeqytetin Kishinau dhe zona të tjera pati humbje të energjisë dhe probleme me semaforët.
Kjo situatë ka ndodhur në një periudhë kur rrjeti ukrainas ka pësuar sulme të vazhdueshme nga Rusia, duke bërë që qytetarët të përballen me ndërprerje të shpeshta të energjisë.
