Një ngjarje ka ndodhur në Bulqizë, ku një 58-vjeçar ka humbur jetën ditën e sotme.
Policia e Dibrës ka nisur hetimet për zbardhjen e rrethanave, pasi dyshohet se ai ka rrëshqitur nga një lartësi gjatë punës në një zonë minerare.
Njoftimi i policisë
Më datë 31.01.2026, në një zonë minerare në Bulqizë, është gjetur pa shenja jete shtetasi B. K., 58 vjeç, i cili punonte rojë private te një subjekt minerar.
Nga hetimet paraprake të kryera dyshohet se 58-vjeçari mund të ketë rrëshqitur nga një lartësi dhe, për pasojë, ka humbur jetën.
Grupi hetimor, nën drejtimin e Prokurorisë, po punon për zbardhjen e rrethanave të kësaj ngjarjeje.
