Protesta e katërt kombëtare e Lëvizjes “Shqipëria Bëhet” përfundoi me një mesazh të fuqishëm kundër qeverisjes së Edi Ramës dhe korrupsionit që ka tronditur vendin.
Qytetarë nga të gjitha rajonet e Shqipërisë, si dhe përfaqësues të Diasporës, u mblodhën para Kryeministrisë për të shprehur pakënaqësinë e tyre dhe për të kërkuar një ndryshim të menjëhershëm të qeverisjes.
Protestuesit mbajtën pankarta me mesazhe të ashpra, ndërsa thirrjet për një Shqipëri të pastruar nga korrupsioni ishin të shumta.
Në fund të protestës, fjalën drejtuar turmës e mbajti Adriatik Lapaj, një nga figurat kryesore të lëvizjes. Ai theksoi se kjo betejë është një luftë e vazhdueshme mes një pakice që kontrollon pushtetin dhe shumicës së qytetarëve që përballen me vështirësi të mëdha ekonomike.
