Sekretari i Përgjithshëm i PD, Flamur Noka, ka bërë thirrje të fortë për qytetarët e Tiranës, duke i inkurajuar ata të dalin në shesh këtë mbrëmje për të protestuar kundër qeverisë.
Nëpërmjet një videomesazhi, Noka theksoi se është koha për të reaguar dhe se qytetarët kanë shumë arsye për të marrë pjesë në këtë ngjarje, por sipas tij, edhe një arsye e vetme është mjaftueshëm e fortë për të kërkuar ndryshim.
Thirrje të gjithë qytetarëve t’i drejtohen Tiranës! Janë me dhjetëra arsyet për të protestuar kundër këtij regjimi, por çdokujt do t’i mjaftonte një e vetme për të dalë në shesh. Bindjet janë personale kurse Shqipëria është e të gjithëve. Mos lejoni që ky regjim të jetojë në kurrizin tuaj dhe ju të qëndroni spektatorë gojëkyçur! Tani është koha për t’u dhënë fund.
SOT, ORA 19⁰⁰
