Pas një vale sulmesh të tjera ajrore të realizuara nga Rusia, presidenti ukrainas Volodymyr Zelensky ka bërë një deklaratë të fortë, duke e akuzuar Moskën për përdorimin e periudhës dimërore si një mundësi për të shtuar dhunën ndaj popullit ukrainas, në vend që të angazhohet në procese diplomatike.
Zelensky theksoi se mbrojtja e qytetarëve dhe përshpejtimi i furnizimit me raketa për sistemet e mbrojtjes ajrore janë prioritete të papërgjeshme, duke shtuar gjithashtu se presioni ndaj Rusisë është i domosdoshëm për t’i dhënë fund luftës.
“Shfrytëzimi i ditëve më të ftohta të dimrit për të terrorizuar popullsinë është më i rëndësishëm për Rusinë sesa përdorimi i diplomacisë. Dhe kjo tregon qartë se çfarë u nevojitet partnerëve dhe çfarë mund të ndihmojë. Furnizimi në kohë i raketave për sistemet e mbrojtjes ajrore dhe mbrojtja e jetës janë prioritetet tona. Pa presion ndaj Rusisë, kjo luftë nuk do të mbarojë. Tani Moska po zgjedh terrorin dhe përshkallëzimin, dhe kjo është arsyeja pse nevojitet presion maksimal”, theksoi ai.
