Kreu i Partisë Demokratike, Sali Berisha, ka akuzuar kryeministrin Edi Rama për abuzim me fondet publike dhe për lidhje me një projekt rrugor që, sipas tij, ka një kosto të fryrë.
Në një postim në Facebook, Berisha e ka quajtur këtë projekt si një “skemë grabitjeje kombëtare” dhe ka lidhur koston e lartë të ndërtimit të rrugës Qukës-Qafë Plloç me një kompani ndërtuese, të cilën ai e akuzon për dhurimin e një pallati si pajë për bashkëshorten e kryeministrit, Linda Ramën.
“Mafia e Surrelit nuk është thjesht korrupsion, është skemë grabitjeje kombëtare. Një rrugë 9 km pa ura e tunele kushton sa Rruga e Kombit. Pse? Sepse është ndërtuar nga kompania që “dhuroi” pallatin në pajë të Linda Ramës!”, shkruan Berisha
