Policia e Tiranës ka shpallur masat e sigurisë për tubimin e planifikuar nga Partia Demokratike nesër, në orën 17:00, para Kryeministrisë.
Autoritetet kanë marrë të gjitha masat e nevojshme për të siguruar rendin gjatë protestës dhe për të parandaluar çdo shqetësim për qytetarët.
Si pasojë, do të ketë bllokime dhe kufizime të qarkullimit në disa nga akset kryesore të Tiranës, përfshirë bulevardin “Dëshmorët e Kombit” dhe rrugët përreth, duke filluar nga mbrëmja e sotme dhe deri në përfundim të ngjarjes.
Policia kërkon bashkëpunimin e qytetarëve dhe apelon që ata të shmangin zonat e bllokuara dhe të përdorin rrugë alternative për të lehtësuar lëvizjen.
