Në Dhomat e Specializuara të Kosovës në Hagë po zhvillohet dita e dytë e fjalimeve përmbyllëse ndaj Hashim Thaçit, Kadri Veselit, Rexhep Selimit dhe Jakup Krasniqit.
Pas një gjyqi që ka zgjatur mbi dy vjet, prokuroria po paraqet përmbledhjen e akuzave, duke theksuar rolin e secilit të akuzuar gjatë konfliktit të vitit 1998–1999.
Ky proces konsiderohet një nga më të rëndësishmit në drejtësinë ndërkombëtare për rajonin e Ballkanit.
Një ditë më parë, Zyra e Prokurorit kërkoi dënime prej 45 vitesh për secilin të akuzuar, ndërsa u argumentua se UÇK-ja kishte një strukturë të qartë hierarkike dhe se figurat kryesore kishin përgjegjësi politike dhe operative.
Me 155 viktima të përfshira në çështje, përfundimi i gjyqit pritet të shënojë një moment kyç për drejtësinë në Kosovë.
