Ish-deputeti demokrat Ervin Salianji, përmes një postimi në facebook ka reagur për dhunën e uhstruar të policisë ndaj një grupi qytetetarësh të cilët po protestonin para bashkisë së Durrësit, kundër projektit të ndërtimin të një rruge i cili do u prekte shtëpitë e tyre.
Postimi i Salanjit
Brutaliteti dhe dhuna policore janë shenja paniku, jo force.
Janë reagimi i fundit i një regjimi të degraduar që ka humbur legjitimitetin.
Një qeveri normale dëgjon qytetarët.Një qeveri demokratike dialogon.
Një qeveri e përgjegjshme zgjidh problemet.
Vetëm një pushtet i kapur nga korrupsioni zgjedh të dhunojë.
Sot qytetarët në Durrës nuk po kërkojnë privilegje.
Po kërkojnë të drejtën themelore: pronën e tyre.
Por çfarë bën qeveria dhe bashkia?
I grabit me çmime qesharake.
I shpronëson me presion.
I kërcënon me polici.
Kjo nuk është qeverisje.
Kjo është zhvatje me uniformë.
Shqipëria nuk ka nevojë për polici kundër qytetarëve të saj.
Ka nevojë për shtet në shërbim të tyre.
Sepse kur pushteti fillon të marrë pronën, dinjitetin dhe lirinë, nuk është më demokraci, është regjim dhe çdo regjim që dhunon qytetarët e vet, e ka rënien vetëm çështje kohe.
Policia duhet te liroje menjehere Artion Bajramaj, Orest Berberi, Isuf Idrizi dhe Elton Doka qe i mori forcersisht duke dhunuar te drejten e tyre per te protestuar!
