NATO ka nisur zyrtarisht misionin “Roja e Arktikut”, me synimin për të forcuar praninë dhe pozicionin ushtarak të aleancës në Arktik. Ky angazhim erdhi pas tensioneve mes SHBA-së dhe Danimarkës lidhur me fatin e Groenlandës. Sipas diplomatëve të NATO-s, misioni mund të ndihmojë në zbutjen e krizës dhe të pengojë ndërhyrjet nga Kina dhe Rusia në këtë rajon strategjik.
Në takimin mes presidentit amerikan Donald Trump dhe sekretarit të Përgjithshëm të NATO-s, Mark Rutte, u arrit dakordësia që aleanca të marrë një rol më të madh në Arktik, duke vendosur të gjitha aktivitetet nën një komandë të vetme. Rutte theksoi se ky veprim është i domosdoshëm për shkak të rritjes së aktivitetit rus dhe kinez në rajon.
Misioni “Roja e Arktikut” do të jetë “shumëdimensional”, duke përfshirë operacione ajrore, detare dhe tokësore. NATO ka konfirmuar se shtatë nga tetë shtetet arktike janë anëtare të aleancës, me përjashtim të Rusisë.
