Sot në Bruksel u zhvillua shorti për edicionin e ri të Ligës së Kombeve, ku Shqipëria mësoi grupin dhe kundërshtarët që do të përballet në Ligën C.
Kuqezinjtë e drejtuar nga Sylvinho do të ndeshen me Finlandën, Bjellorusinë dhe San Marinon, një short që mund të cilësohet i pranueshëm, duke marrë parasysh nivelin e këtyre kombëtareve.
Faza e grupeve do të nisë në fund të shtatorit, me ndeshjet e para që do të zhvillohen mes datave 24 dhe 26 shtator. Takimet e tjera janë planifikuar për në 27-29 shtator, 30 shtator – 3 tetor, 4-6 tetor, 12-14 nëntor dhe përballja finale është e programuar për 15-17 nëntor.
Shqipëria synon të arrijë rezultate pozitive në këtë garë dhe të sigurojë një vend në Ligën B, duke u ngjitur më lart në konkurrencë. Ky është një hap i rëndësishëm për skuadrën që të realizojë ambicien për të avancuar në faza më të avancuara të kompeticionit.
