Avokati i Selimit, Tully, ka kundërshtuar pretendimet e Prokurorisë për kontrollin e ministrit të Rendit Publik mbi policinë, duke theksuar se nuk ka asnjë dokument operativ që të vërtetojë këtë.
Ai e quajti mungesën e këtyre dokumenteve si një argument të fortë që nuk provojnë përfshirjen e Selimit në veprimet e policisë, as në lidhje me krimet që përmenden në aktakuzë.
Tully shpjegoi se Prokuroria ka pasur mospërputhje në dosje për sa i përket rolit të Selimit, duke e përshkruar herë si person me kontroll operacional dhe herë si person me autoritet operacional mbi policinë. Ai nënvizoi se këto të dhëna nuk janë të qarta dhe nuk vërtetojnë përfshirjen e tij në ndihmën e veprimeve kriminale, duke theksuar se asnjë provë konfirmuese nuk është paraqitur për të mbështetur këto pretendime.
