Qarkullimi i gripit dhe infeksioneve virale vijon të mbajë nën presion shërbimin e Pediatrisë në Vlorë.
Sipas të dhënave nga bluzat e bardha, çdo ditë rreth 60 fëmijë kërkojnë ndihmë mjekësore për simptoma që lidhen me virozat e stinës, kryesisht temperaturë të lartë dhe probleme të rrugëve të sipërme respiratore.
Aktualisht, 35 të vegjël janë të shtruar dhe po marrin trajtim spitalor.
Mjekët theksojnë se periudha e dimrit dhe luhatjet e temperaturave kanë ndikuar në shtimin e rasteve, ndërsa u bëjnë thirrje prindërve të tregojnë kujdes të veçantë për foshnjat dhe të paraqiten në spital nëse simptomat përkeqësohen.
