Kreu i Partisë Demokratike, Sali Berisha, ka reaguar me akuzat ndaj kryeministrit Edi Rama, duke e akuzuar atë për tentativën e mbrojtjes së ministrit të Infrastruktures, Belinda Balluku, nga pezullimi i mundshëm nga detyra.
Sipas Berishës, Rama po tenton të shkelë Kushtetutën dhe vendimet e Gjykatës Kushtetuese për të mbrojtur funksionarët e lartë, përfshirë Ballukun.
Në këtë kontekst, Berisha thekson se kryeministri po tenton të anashkalojë ligjin dhe vendimet e institucioneve të drejtësisë.
“Kryeministri Edi Rama po përpiqet që të shkelmojë Kushtetutën dhe vendimet e Gjykatës Kushtetuese në tentativën e tij për të shpëtuar ministren Belinda Balluku nga pezullimi nga detyra. Ky është një akt që nuk ka asnjë justifikim ligjor. Në vitin 2002, kur Parlamenti miratoi një ligj që mbrojtëte kryetarin e Kontrollit të Lartë të Shtetit, Gjykata Kushtetuese e hodhi në kosh të plehrave këtë ndryshim, duke thënë se Kushtetuta nuk mund të ndryshohet me ligje që ofrojnë mbrojtje për individë të caktuar. Kjo është një shkelje e drejtpërdrejtë e frymës dhe germës së Kushtetutës, dhe sot Edi Rama po tenton të bëjë të njëjtën gjë për të mbrojtur një ministra, edhe pse për këtë nuk ka asnjë bazë ligjore.”
