Situata e nivelit të ujërave në Shkodër paraqitet me një tendencë të lehtë drejt uljes.
Oboti vijon të jetë nën ujë kryesisht në sipërfaqe tokash bujqësore me tendencë rënieje. Aksi rrugor që lidh fshatin Obot me rrugën kryesore paraqet nivel uji rreth 40–45 cm.
Në zonë janë vendosur në gatishmëri mjete të kalueshmërisë së lartë të cilët do të ndërhyjnë sipas nevojave. Deri në këto momente nuk raportohen banesa të rrethuara nga uji.
Sipas të dhënave të Drejtorisë së Ujitjes dhe Kullimit Lezhë, nivelet e ujit në pikat monitoruese vijojnë të jenë nën kuotat kritike.
