Gjykata e Posaçme ka shtyer përsëri seancën paraprake për dosjen ne ngarkim të kryebashkiakut të Shkodrës Benet Beçi.
Beçi për herë të tretë nuk është paraqitur në gjyq. Beçi së bashku me 6 të tjerë akuzohen nga SPAK për shkeljen e barazisë së tenderave.
Gjyqtarja Marinela Osmani shtyu seancën për të martën e ardhshme më 24 shkurt, ku SPAK do të lexojë kërkesën për kalimin në gjykim të dosjes dhe mbrojtja do të bëjë kundërshtimet.
E pandehur në këtë proces është edhe Adela Ruko, bashkëshortja e ish-drejtorit të përgjithshëm të autoritetit rrugor Evis Berberi që ndodhet në arrest.
