Reshjet e dendura dhe shkarkimet e larta nga Heci i Banjës kanë sjellë prurje të mëdha në lumenjtë e Fierit, duke përmbytur sipërfaqe bujqësore dhe banesa.
Fshatrat Petovë dhe Mbrostar janë më të prekura, ndërsa banorët e këtyre zonave thonë se kjo është hera e tretë brenda disa muajsh që përmbyten.
Ata fajësojnë shkarkimet e pakontrolluara dhe kërkojnë mbështetje nga shteti për të përballuar dëmet e mëdha.
Dëmet në tokat bujqësore dhe banesat kanë rënduar më tej situatën ekonomike, duke i lënë banorët në kushte të vështira.
Sulo Tafa, një prej banorëve, tha se përmbytjet e kësaj natyre nuk janë parë më parë dhe tani është në kushte mbijetese pa ndihmën e shtetit.
