Ndeshja Vardari-Bashkimi, e cila përfundoi me rezultatin 1-0, pati tensione e incidente në tribuna, por edhe jashtë saj.
Në minutat e fundit të sfidës në Maqedoninë e Veriut, gjyqtari u detyrua të ndërpresë ndeshjen, për shkak të koreve raciste të tifozëve të Vardarit, ndaj ekipit shqiptar.
Sipas pamjeve të publikuara, shihen përplasje mes policisë dhe stafit të ekipit të Bashkimit jashtë stadiumit.
Në aspektin sportiv, Vardari vazhdon të kryesojë kampionatin me nëntë pikë avantazh ndaj ndjekësve më të afërt, Struga dhe Shkëndija.
Shkëndija do të zbresë në fushë në ndeshjen e radhës kundër Sileksit, në një duel që pritet të ndikojë në ecurinë e garës për titull.
