Deputeti i ri i PD-së, Besart Xhaferri, me anë të një postimi në faqen e tij facebook ka reagur lidhur me pritjen në radhë të gjatë të pensionistëve tek kioskat e shpërndarjes së oboneve falas në Tiranë, duke thënë se edhe pse kryebashkiaku është në qeli, institucioni i poshtërimit të qytetarëve është ende në Bashki.
Postimi i Xhaferrit
Veliaj në qeli, por institucioni i poshtërimit të qytetarëve është ende në Bashki…
Ajo që ndodh në pikat e shpërndarjes së aboneve në Tiranë është e turpshme dhe e papranueshme.
Të moshuar, mes të cilëve edhe të sëmurë rëndë, qëndrojnë në radhë për një abone, siç qëndronin në moshën e tyre të mesme për një shishe vajguri.
Këta të moshuar janë prindërit e dikujt, janë gjyshër, dhe shumë prej tyre janë vetëm, sepse fëmijët i kanë në emigrim dhe në këtë moshë mos ua nëpërkëmni dinjitetin.
Çfarë dreqin ju kushton që këto abone t’i marrin në pikat e pensionit ose t’ua çoni në shtëpi me armatën e patronazhistëve…..
