Presidenti i Republikës, Bajram Begaj, me anë të një postimi në faqen e tij facebook njoftoi se mori pjesë këtë të enjte në ceremoninë e 75-vjetorit të Aviacionit Ushtarak Shqiptar.
Nga baza e Kuçovës, Presidenti i Republikës nderoi brezat që kanë shërbyer në aviacionin ushtarak dhe Forcën Ajrore ndër vite, nga komandanti i parë Edip Ohri, si edhe 43 Dëshmorët e Kombit që dhanë jetën në krye të detyrës, ndërsa theksoi transformimin e aviacionit ushtarak dhe vlerësoi rrugëtimin që ai ka bërë nga krijimi tij, deri më sot.
Postimi i Begajt
Aviacioni Ushtarak Shqiptar, që nga viti 1951, sot Forca Ajrore, është një shtyllë e rëndësishme e mbrojtjes së vendit dhe sovranitetit tonë.
Në bashkëpunim me NATO-n dhe aleatët tanë, kjo forcë garanton sovranitetin ajror dhe është kontribuuese aktive në mbrojtjen kolektive.
Përkushtimi dhe sakrificat e brezave kanë të gjithë nderimin dhe mirënjohjen tonë.
