Për shkak të reshjeve të dendura të shiut dhe rrëshqitjes së dherave në segmentin rrugor Librazhd-Xhyrë, është dëmtuar rëndë traseja e hekurudhës.
Si pasojë e kësaj situate qarkullimi hekurudhor është i pamundur të kryhet.
Segmenti i prekur ndodhet paralel me rrugën automobilistike dhe pranë lumit Shkumbin.
Specialistët po ndjekin nga afër situatën për të vlerësuar stabilitetin e terrenit dhe për të përcaktuar masat që duhen ndërmarrë.
Autoritetet pritet të hartojnë plan ndërhyrjeje për riparimin e dëmeve dhe rikthimin gradual të funksionalitetit të segmenteve të prekura.
