Gjatë vizitës së misionit faktmbledhës të Partisë Popullore Europiane në Tiranë Tedi Blushi, sekretari i Përgjithshëm i Partisë së Lirisë prezantoi situatën politike në vend.
Ai vuri theksin tek çështjet e rëndësishme si zgjedhjet, pretendimet për “narkoshtetin” dhe arrestimi politik i Presidentit Ilir Meta.
Takimi synoi të japë një pasqyrë të qartë dhe të detajuar për zhvillimet aktuale dhe sfidat në Shqipëri.
Postimi i Blushit:
Kënaqësi e veçantë të ndaja sot qëndrimet e Partia e Lirisë me Misionin Faktmbledhës të Partitë Popullore Europiane EPP Group in the European Parliament mbi situatën në Shqipëri.
Në respekt të konfidencialitetit që rregullon këto takime, paraqita një ekspoze të qartë dhe të detajuar mbi zhvillimet në vend, me theks te Narkoshteti, zgjedhjet dhe burgosja politike e Presidentit Ilir Meta.
Mirënjohje EPP – European People’s Party për mbështetjen e vazhdueshme ndër vite ndaj Shqipërisë dhe perspektivës së saj europiane.
