FBI-ja greke kreu kontrolle të gjera në Burgun e Domokos, duke inspektuar qelitë dhe zonat e përbashkëta të institucionit.
Gjatë aksionit u gjetën dhe u sekuestruan thika të improvizuara, shkopinj, copë metali, majë metalike dhe pajisje telefonike me karta SIM.
Nëndrejtoria për Hetimin dhe Ndjekjen Penale të Krimeve ngriti çështje ndaj disa të burgosurve për shkelje të legjislacionit mbi armët dhe sigurinë publike.
Të proceduarit penalisht janë të burgosurit Dashamir Çobo, 56 vjec nga Vlora, Andon Dvorani 61 vjec nga Korca, Nikoll Nikolli alias Anton Gjoka 48 vjec, Enton Çeku 55 vjec nga Tirana, Gentian Isufi 49 vjec nga Memaliaj, Andi Selim 44 vjec, Alban Xhebexhiu alias Franko Sharka 35 vjec si dhe një sirian e një rumun.
Operacioni u mbështet nga ekipe të specializuara të policisë, duke përfshirë DAOE, EKAM dhe Nën-Drejtorinë e Lamias.
