Një ngjarje ka ndodhur në Spitalin Rajonal të Durrësit, ku një nënë ka bërë një kallëzim ndaj një mjeku, duke e akuzuar për neglizhencë mjekësore, pas vdekjes së foshnjës së saj.
Sipas ankueses, më 19 shkurt 2026, ajo ka lindur në maternitetin e spitalit, por pak orë pas lindjes, foshnja ka humbur jetën.
Ajo pretendon se kjo ka ndodhur si pasojë e pakujdesisë dhe trajtimit të pamjaftueshëm nga mjeku.
Specialistët e Komisariatit të Policisë Durrës kanë kryer hetimet fillestare dhe kanë dërguar dosjen në Prokurori për një shqyrtim më të thelluar.
Mjeku, i identifikuar si I. Sh., 43 vjeç, është përfshirë në një procedim penal për të hetuar mundësinë e fajësisë dhe ndikimin që ka pasur në humbjen e jetës së foshnjës.
