Vazhdon protesta e opozitës. Kryetari i PD-së, Sali Berisha rrugës për tek godina e Policisë së Shtetit, tha se largimi i Belinda Ballukut nuk e kënaq opozitën pasi kërkon dorëheqjen e Edi Ramës nga posti i kryeministrit.
“Protestë, marshim revoltë për të shprehur zemërimin popullor ndaj kreut të organizatës kriminale të qeverisë shqiptare dhe anëtarëve të saj. Pra për t’i thënë Edi Ramës, se jo një Lubi por edhe 30 Lubi të largosh, do të jesh ti objekt i revoltës popullore. Kazus i protestës. Gjeneratori i të gjitha të këqijave të lidhur me regjimin e tij. Largimin i njërit apo tjetrit janë përpjekje të dëshpëruara të tij për të ruajtur lëkurën e tij. Asgjë nuk e mbron nga revolta popullore. Këto janë shpërthime të revoltës. Tek policia e shtetit është një nga kryebanditët e narkoshtetit që quhet Ilir Proda ndaj edhe shkon revolta për t’i thënë; aq sa ka të ardhme Edi Rama, ke edhe ti. Je një shërbëtor, mercenar” tha ai.
