Kreu i PD-së, Sali Berisha, në bashkëbisedimin online me qytetarët ka treguar skenarët e protestës së sotme të opozitës, e cila do të nisë në orën 18:00 para Kryeministrisë, i cili tha se tubimi i sotëm paqësor do të njohë dimensione të reja.
“Do të ketë revoltë! Kryengritja jonë paqësore do të njohë dimensione të reja. Është e pandalshme deri në largimin e Ramës. E patë se si në fjalën e tij ai tejkaloi dhe kohëzgjatjen e fjalimeve të Gadafit dhe Fidel Kastros. Në fakt nëse e rikthen pas, kishin shqiptarët para një kufomë politike të pakallur. Ne do ta kallim atë. Do t’i japim vendin që meriton”, u shpreh Berisha.
