Elton Varaku, ish-drejtor i Autoritetit Kombëtar të Ushqimit (AKU), është arrestuar pas shpërthimit të dhunshëm në zyrën e tij, ku ka shkatërruar pajisje dhe ka përdorur gjuhë kërcënuese ndaj punonjësve të institucionit.
Gjykata e Durrësit e ka cilësuar arrestimin të ligjshëm dhe ka vendosur masën e “Arrest me burg”.
Ngjarja ndodhi pas largimit të Varakut nga posti i drejtorit, kur ai u kthye në zyrë dhe nisi veprime të dhunshme, duke dëmtuar kompjutera dhe objekte të tjera pune.
Policia e ndaloi atë në flagrancë, pas njoftimit të marrë nga institucionet përkatëse.
Avokati i Varakut ka shpjeguar se veprimet e tij ishin një reagim i çastit, ndërkohë që ai ka kërkuar falje për sjelljen e tij.
