Kryetari i PD-së, Sali Berisha dha një prononcim për gazetarët nga dera e SPAK-ut ku foli dhe për sulmin ndaj ish-vilës së Enver Hoxhës. Ai u shpreh se nuk kishte informacion që kishte njerëz brenda godinës, ndërsa shtoi se ndjen keqardhje. Theksoi se nuk e dinte që ish-vila e diktatorit ishte bërë qendër kulturore dhe se ishte kundër kësaj.
“Ndjej keqardhje për ata të huaj që kanë qenë aty dhe i siguroj që s’kanë qenë objekt (i sulmeve). S’kam ditur që kanë qenë aty. Për ata ndjej keqardhje, s’duhet të ndodhte kurrsesi. Unë e mora vesh pasi pyeta dhe më thanë që është bërë qendër kulturore (për ish-vilën e Enver Hoxhës). Qendër kulturore vila e Enver Hoxhës është fyerje e madhe për mbi 7 mijë të ekzekutuar. Mund të ishte të muzeu i torturave”, tha Berisha.
