Presidentja e Kosovës, Vjosa Osmani, ka kërkuar ndryshime kushtetuese që do të mundësojnë zgjedhjen e Presidentit të Kosovës drejtpërdrejt nga populli.
Në një postim të shpërndarë në rrjetet sociale, Osmani shpjegoi se kërkesa vjen pas dështimeve të njëpasnjëshme për zgjedhjen e Presidentit, dhe i bëri thirrje të gjitha subjekteve politike që të mbështesin amendamentet e propozuara.
ZGJEDHJE TË DREJTPËRDREJTA PËR PRESIDENT!
Duke parë dështimet e njëpasnjëshme në zgjedhjen e Presidentes/it, sapo kam proceduar në Kuvend amendamentet kushtetuese për zgjedhje të drejtpërdrejta të Presidentes/it, të cilat ishin hartuar nga Komisioni për amendamentimin e Kushtetutës në vitin 2011.
I ftoj të gjitha partitë politike që të votojnë këto amendamente kushtetuese.
Tash e tutje, le të flasë populli!
