Presidenti i Iranit, Masoud Pezeshkian, ka dërguar një mesazh faljeje për vendet fqinje që u goditën gjatë zhvillimeve të fundit ushtarake, duke theksuar se Irani nuk ka synim të pushtojë asnjë shtet të rajonit.
Ai kërkoi bashkëpunim rajonal për të vendosur paqe dhe stabilitet.
Pezeshkian bëri të ditur gjithashtu një vendim të ri për forcat e armatosura, sipas të cilit ato nuk do të sulmojnë vendet fqinje përveçse në rast se sulmohen të parat.
Në fund të mesazhit, presidenti paralajmëroi shtetet që mund të shfrytëzojnë situatën për të sulmuar Iranin, duke u kërkuar të mos bëhen “kukulla të imperializmit”. Ai gjithashtu theksoi se mbështetja për Izraelin apo SHBA-në nuk është një rrugë drejt nderit dhe lirisë.
