Presidenti i SHBA-së, Donald Trump, ka ashpërsuar retorikën e tij ndaj Iranit, duke theksuar se nuk është i interesuar për negociata dhe duke lënë të kuptohet se lufta mund të përfundojë vetëm pas shkatërrimit të plotë të kapaciteteve ushtarake të Iranit.
Komentet e tij, të bëra gjatë një deklarate për mediat në bordin e avionit presidencial, pritet të rrisin tensionet dhe të shtojnë frikën për një përshkallëzim të mëtejshëm të konfliktit.
“Në një moment, mund të mos ketë asnjë udhëheqës të gjallë për të thënë ‘ne dorëzohemi’,” deklaroi Trump, duke e theksuar se një goditje e mundshme e mëtejshme ndaj ushtrisë iraniane mbetet një opsion i hapur.
