I ftuar në emisionin “5Pyetjet” nga Babaramo, juristi Krishnik Spahiu komentoi situatën politike në Kosovë dhe veprimet e Albin Kurtit që sipas tij kanë ndikuar në tensionet aktuale.
Spahiu vuri në dukje se ditën kur Kurti hyri në politikë dhe krijoi Vetëvendosjen, ai kishte premtuar se nuk do të mbajë më shumë se dy mandate, duke synuar të implantojë një model amerikan.
Megjithatë, pas dy mandateve, statuti i partisë u ndryshua, gjë që sipas Spahiut, ka hapur tensione dhe sfida brenda radhëve të tij.
“Dita kur Albin Kurti hyri në politikë dhe krijoi Vetëvendosjen, ai tha se më shumë se dy mandate nuk mund të mbajë dhe synonte të implantojë sistemin amerikan. Më pas, pas dy mandateve, ndryshoi statutin. Një pjesë e publikut që e mbështeste Kurti, më parë mbështetës të zjarrtë të Osmanit, tani po e sfidon Osmanin pas prishjes së marrëdhënieve me Kurtin. Kurti e ndjeu presionin mbi Osmanin për shkak të votave, ndërsa Rama u afrua pranë Osmanit. Veprimet e fundit të Kurtit kanë çuar drejt krizës aktuale, që mund të ishte shmangur më herët,” shprehet Spahiu.
