Ukraina po përballet me një rritje të kërkesave ndërkombëtare për mbështetje teknologjike në fushën e mbrojtjes, përfshirë dronë interceptues dhe sisteme lufte elektronike.
Presidenti Volodymyr Zelensky bëri të ditur se vendi i tij ka marrë 11 kërkesa nga vende fqinje me Iranin, si dhe nga shtete evropiane dhe SHBA-ja, për trajnime dhe pajisje të specializuara.
“Ne gjithashtu kemi shqyrtuar në detaje kërkesat e vendeve për mbështetje të besueshme nga ana jonë në përballimin e dronëve Shahed dhe sfidave të tjera të ngjashme,” tha Zelensky pas një takimi me zyrtarë të lartë ushtarakë dhe qeveritarë.
Ai shtoi se disa prej kërkesave tashmë kanë marrë përgjigje konkrete me vendime dhe mbështetje të dhënë nga Ukraina.
