Sot pasdite, në ambjentet e “Shtëpisë së Futbollit” në Tiranë, Federata Shqiptare e Futbollit (FSHF) ka hedhur shortin për çiftet gjysmëfinale të Kupës së Shqipërisë.
Ky kompeticion, i dyti më i rëndësishëm në futbollin shqiptar, ka arritur në fazën vendimtare, ku katër skuadrat e mbetura – Egnatia, Vllaznia, Dinamo dhe Elbasani – do të luftojnë për një vend në finale.
Në përputhje me shortin, Dinamo do të përballet me Vllazninë, ku ndeshja e parë do të zhvillohet në kryeqytet. Nga ana tjetër, Egnatia, kampionët e edicionit të kaluar, do të sfidojnë Elbasanin në një përballje të tjera të nxehtë.
Të dyja ndeshjet gjysmëfinale do të luhen me sistem vajtje-ardhje, që do të thotë se çdo skuadër do të ketë mundësinë për të luajtur në fushën e saj për të siguruar një vend në finale. Pritet që shpejt të bëhen të ditura datat e sakta për zhvillimin e këtyre ndeshjeve, që do të përcaktojnë skuadrat që do të luftojnë për trofeun e Kupës së Shqipërisë.
