Ish-kryeministri Sali Berisha ka reaguar ashpër gjatë protestes pas mbarimit të seancës plenare në Kuvend, duke e akuzuar kryeministrin Edi Rama për “shënimin e vetëvrasjes politike” dhe për mbrojtjen e krimeve dhe vjedhjeve.
Sipas Berishës, Rama nuk votoi për arrestimin e Belinda Ballukut, por për të mbrojtur veten dhe veprimet e tij të pastra korruptive.
“Kemi ardhur këtu në mbrojtje të Kushtetutës, të dinjitetit njerëzor dhe të qytetarëve shqiptarë, për të mbrojtur vjedhjen dhe krimet e veta. Sot, Edi Rama, kryetar i organizatës kriminale, shënoi vetëvrasjen e tij politike, shënoi fundin e tij politik, firmosi të drejtën e shqiptarëve për ta nxjerrë me të gjitha pushtetet e tij krimin. Sot ai nuk votoi për Belinda Ballukun, por për veten e tij, për vjedhjet që ka bërë dhe vjedhjet e shumtura. Miq, në historinë kombëtare nuk ka pasur njeri me më vlera të ulta se ky njeri. Sot ai do të dalë para qytetarëve si njeriu më i poshtër, nuk ka një qeveritar tjetër në botë që të ketë firmosur 10 dhe qindra herë vjedhjen e pasurive shqiptare dhe fondeve të tyre.”
