Sot, Parlamenti shqiptar pritet të përballet me tensione, pasi Partia Socialiste ka paralajmëruar se do të rrëzojë kërkesën e SPAK për heqjen e imunitetit të Belinda Ballukut, ish-ministre e Infrastrukturës dhe Energjetikës.
Ndërkohë, Partia Demokratike ka organizuar një protestë masive para godinës së Kuvendit, kundër këtij procesi.
Sipas informacionit, deputetët e PS kanë mbërritur në Kuvend përmes hyrjes nga Akademia e Shkencave, për të shmangur protestuesit, ndërsa deputetët e PD ende nuk kanë mbërritur.
Për të siguruar rendin dhe sigurinë, 1500 efektivë janë vendosur në gatishmëri, dhe janë ngritur gardh metalik përreth godinës. Kordonët e policisë janë vendosur edhe në institucione të tjera, duke përfshirë forca shtesë brenda Kuvendit.
