Ndeshja mes Flamurtarit dhe Elbasanit në Superligën shqiptare u ndal për rreth 13 minuta për shkak të një përplasjeje të dhunshme mes portierit të Elbasanit, Martin Janaček, dhe lojtarit Erald Maksuti.
Incidenti ndodhi në minutën e 69-të, ndërsa pas kësaj përplasjeje, Janaček u zëvendësua dhe u dërgua menjëherë në spital për kontrolle mjekësore.
Për shkak të ardhjes së ambulancës së dytë, ndeshja u rifillua vetëm në minutën e 82-të. Pas incidentit, portieri i Elbasanit, Klevi Totoshi, mori vendin e Janaček dhe shfaqi një performancë heroike, duke pritur dy penallti të lojtari të Flamurtarit, Herald Marku.
Në fund, Elbasani arriti të fitonte me rezultatin 1-2, duke ngushtuar diferencën nga Vllaznia dhe synuar ngjitjen në krye të renditjes së Superligës.
