Një konflikt i ndodhur pasditen e së dielës në Durrës ka përfunduar me plagosjen e një 26-vjeçari, i cili është paraqitur në Spitalin Rajonal për ndihmë mjekësore pas marrjes së një plage me mjet prerës në këmbë.
R. K. ndodhet jashtë rrezikut për jetën dhe po merr kujdes mjekësor.
Policia dyshon se konflikti ka ndodhur mes tij dhe A. N., rreth 35 vjeç, i cili e plagosi gjatë përplasjes.
Shërbimet e policisë janë vënë në ndjekje të autorit, ndërsa grupi hetimor po punon për zbardhjen e plotë të ngjarjes.
