Edmond Spaho, ish-deputet i Partisë Demokratike, ka hedhur akuza të forta ndaj kryedemokratit Sali Berisha, duke e kritikuar për përdorimin e nenit të dorëheqjes pas humbjes në zgjedhje.
Në një postim në rrjetet sociale, Spaho theksoi se Berisha e përdor dorëheqjen si një mjet për të hequr qafe ata që nuk dëshiron dhe për të shpëtuar veten nga përgjegjësitë. Ai gjithashtu e akuzoi kryetarin e PD-së për justifikimin e paaftësisë dhe mbështetje ndaj një konsensusi me PS-në, që sipas tij, ruan status-quo-në dhe imoralitetin politik.
Postimi i Edmond Spahos:
Nenin e doreheqjes kur humbet zgjedhjet e pergjithshme, e veme per te hequr qafe ndonjerin dhe e heqim kur duam te shpetojme vehten nga mbajtja e pergjegjesise.
Dime vetem nje kenge, na i vodhen zgjedhjet.
Edhe ai para ketij, kete thoshte, por e hoqem me ceremoni
Sot “vjedhja e zgjedhjeve” justifikon paaftesine, sharlatanizmin dhe konsensusin PD – PS per te ruajtur statukuone.
Ky eshte kulmi i imoralitetit ne politike.
Vetem kaq mjafton per ta humbur pergjithmone besimim tek antaresia dhe votuesit.
