Kryeministri Edi Rama ka qëndruar për disa ditë në Dhërmi dhe sot është ndalur në Vlorë.
Ai është pritur në qytetin bregdetar nga Ministrja për Marrëdhëniet me Parlamentin, Erjona Ismaili, dhe Kryetarja e Bashkisë së Vlorës, Brunilda Mersini.
Rama pritet të zhvillojë një takim me deputetët e qarkut dhe drejtues të bashkisë, ku në fokus do të jenë zhvillimet dhe projektet për përmirësimin e infrastrukturës dhe jetës së qytetarëve.
Kjo vizitë vjen pas disa takimeve të zhvilluara në jug të vendit, ku po shqyrtohen mundësi për avancimin e investimeve dhe rritjen e mundësive për zhvillim ekonomik në Vlorë.
