Policia e Tiranës ka zbardhur ngjarjen e shpërthimit të një lënde plasëse në një automjet në rrugën “Vasil Ndoçka” më 10 mars, ku nuk pati viktima, por vetëm dëme materiale.
Gjatë operacionit, u arrestuan 7 persona të dyshuar, të cilët dyshohet se vepronin si pjesë e një grupi të strukturuar kriminal.
Sipas autoriteteve, pas shpërthimit, u ngrit një grup hetimor që përdori prova materiale dhe kamerat e sigurisë për të identifikuar dhe ndaluar autorët.
Ata u arrestuan për veprën penale “Shkatërrim i pronës me eksploziv” dhe “Përkrahja e autorit të krimit”.
Në hetim, është identifikuar J.G. si i dyshuari kryesor për vendosjen dhe aktivizimin e lëndës plasëse, i ndihmuar nga K.A., R.B. dhe E.L., të cilët i siguruan lëndën, biçikletën dhe informacione për vendndodhjen e automjetit.
