Kreu i Partisë Demokratike, Sali Berisha, ka zhvilluar një bashkëbisedim online me qytetarët, ku ka ftuar shqiptarët të bashkohen në protestën që do të zhvillohet nesër në orën 8:00.
Ai ka theksuar se kjo është një mundësi për të treguar forcën dhe vendosmërinë e qytetarëve kundër qeverisë së Edi Ramës.
“U bëj thirrje qytetarëve të përmbushim detyrën tonë ndaj këtij regjimi të ngrihemi fuqishëm kundër Ramës dhe organizatës së tij kriminale që më së fundi mbylli edhe dyert e Europës për Shqipërinë me mburojën që krijoi për veten dhe organizatën e tij kriminale. Sot është detyrë e të gjithë shqiptarëve që në sheshe e rrugë të tregojmë forcën tonë në kryengritjen më të madhe paqësore që ka njohur Tirana”, tha ai.
