Në nisje të protestës së gjashtë kombëtare të opozitës, deputeti demokrat Belind Këlliçi u shpreh se sonte PD do të jetë më radikale, pasi të gjitha format e tjera, sipas tij janë shteruar.
“Kemi tentuar me të gjitha format për të qenë konstruktiv. Kemi kërkuar të zbatohet Kushtetuta por na është mohuar.
Kulmi arriti kur Rama e ktheu Kuvendin në një mburojë personale për Ballukun. Rama pengesën për masën e Ballukut e kishte për veten e tij pasi SPAK më pas do të trokiste në derën e tij.
Inceneratori i Tiranës, Eco Parku dhe afera të tjera janë të Edi Ramës dhe familjes së tij. Rama po i bën të gjitha për veten e tij dhe ne duhet ti përgjigjemi me akt të fortë dhe radikal. Ngujimi, greva dhe bllokimi i institucioneve janë në tavolinë” tha ai.
