Papa Leo tha të dielën se vdekjet dhe vuajtjet e shkaktuara nga lufta në Lindjen e Mesme janë një “skandal për të gjithë familjen njerëzore”, duke përsëritur thirrjen e tij për një armëpushim të menjëhershëm.
Ndërsa lufta SHBA-Izrael në Iran hyn në javën e katërt, Papa i parë amerikan tha se vazhdon të vëzhgojë me “shqetësim” situatën në Lindjen e Mesme dhe rajone të tjera të shkatërruara nga lufta dhe dhuna.
“Nuk mund të heshtim përballë vuajtjeve të kaq shumë njerëzve, viktimave të pambrojtura të këtyre konflikteve. Ajo që i lëndon ata, lëndon të gjithë njerëzimin”, tha Leo në lutjen javore në Sheshin e Shën Pjetrit.
“E përtërij fuqimisht thirrjen time për të vazhduar në lutje, në mënyrë që armiqësitë të pushojnë dhe rruga drejt paqes të hapet më në fund”, shtoi ai.
