Pasditen e kësaj të hëne, Kombëtarja e Polonisë ka nisur stërvitjen për ndeshjen e playoffit të Botërorit 2026 kundër Shqipërisë, që do të luhet në Varshavë.
Seanca stërvitore e parë ishte fokusuar në rigjenerimin e futbollistëve pas ndeshjeve me klubet përkatëse, por disa lojtarë munguan në fushë.
Piotr Zielinski dhe Jakub Moder stërvitën veçmas, ndërsa portieri Bartlomiej Drągowski nuk u bashkua me grupin e portierëve dhe realizoi vetëm vrapim.
Po ashtu, lojtarë të tjerë si Oskar Pietuszewski, Jan Bednarek dhe Jakub Kiwior u vonuan për shkak të angazhimeve të fundit me klubet e tyre dhe u bashkuan me skuadrën më vonë në mbrëmje.
