Një operacion policor i Drejtorisë për Luftimin e Krimit të Organizuar u zhvillua më 28 mars në Burgun e Koridhalosit në Greqi, i njohur për kapacitetet e tij të mbipopulluara dhe ku vuajnë dënimin shumë shqiptarë.
Gjatë kontrollit të një qelie, një i burgosur 29-vjeçar u kap me 53.7 gramë metamfetaminë kristalore, të ndara në 39 pako najloni, si dhe 75 euro.
Operacioni u realizua me pjesëmarrjen e një qeni policie dhe në prani të një prokurori.
Personi i arrestuar po i dërgohet organit kompetent të ndjekjes penale për veprime të mëtejshme ligjore.
Kontrolli bëhet pjesë e përpjekjeve të policisë greke për të luftuar trafikun e drogës brenda qendrave të paraburgimit.
