Kryeministri i Kosovës, Albin Kurti në mbledhjen e sotme ka shpërblyer fitoren e ekipit përfaqësues përballë Sllovakisë me 500 mijë Euro. Në rast të kualifikimit ai ka thënë se do të ndajë edhe 1 milion euro të tjera.
“Shpërblime që nuk ua merr mendja”- do të ketë, tha ai për vijimin në Botëror. Në finale e plejofit për kualifikim në Kupën e Botës, e cila do të zhvillohet të martën, Kosova do të ballafaqohet me Turqinë në stadiumin “Fadil Vokrri”.
Gjithashtu në mbledhjen e sotme Kurti miratoi vendimin për dërgimin e trupave të FSK-së në Gaza në kuadër të Bordit të Paqes.
