Kryetari i PD-së, Sali Berisha nga Shkodra ku ndodhej për të përkujtuar ngjarjen e 2 Prillit të 35 viteve më parë, i bëri thirrje NATO-s që të forcojë mbrojtjen ajrore të Shqipërisë, një ditë pas paralajmërimit të Ambasadës Amerikane për sulme të mundshme të Iranit në Shqipëri.
“Paralajmërimi i ambasadës së SHBA nuk është pa bazë! I bëj thirrje NATO-s të forcojë mbrojtjen ajrore të Shqipërisë”, tha Berisha për mediat.
Ambasada Amerikane në Tiranë dha dje alarmin se grupe të lidhura me Iranin mund të shënjestrojnë subjekte të lidhura me Shtetet e Bashkuara, ose elementë të opozitës iraniane në Shqipëri.
