Autoritetet amerikane kanë arrestuar mbesën dhe stërmbesën e gjeneralit iranian Qasem Soleimani, i cili u vra gjatë një sulmi ajror amerikan në Irak. Të dy personat, të cilët kishin jetuar më parë në SHBA, iu ndërpre statusi i ligjshëm i rezidentit të përhershëm nga Sekretari i Shtetit, Marco Rubio.
Departamenti Amerikan i Shtetit njofton se mbesa e Soleimanit ka vazhduar të mbështesë publikisht regjimin iranian dhe të promovojë propagandën e tij në SHBA.
“Administrata Trump nuk do të lejojë që vendi ynë të bëhet shtëpi për shtetas të huaj që mbështesin regjimet terroriste antiamerikane”, thuhet në deklaratë.
Veprimi tregon përpjekjen e SHBA-së për të kontrolluar ndikimin e zyrtarëve dhe mbështetësve të regjimeve të huaja brenda territorit amerikan.
