Presidentja e Komisionit Evropian, Ursula von der Leyen, ka përshëndetur marrëveshjen për armëpushim dyjavor mes Shteteve të Bashkuara dhe Iranit, duke e cilësuar atë si një zhvillim pozitiv drejt de-përshkallëzimit të situatës.
“E mirëpres armëpushimin dyjavor të rënë dakord mbrëmë nga SHBA-të dhe Irani. Ai sjell qetësimin e situatës,” deklaroi ajo.
Sipas saj, ky është një hap i rëndësishëm për të ulur tensionet në Lindjen e Mesme dhe për të krijuar hapësirë për diplomaci.
Von der Leyen theksoi se, pavarësisht armëpushimit të përkohshëm, përpjekjet për një marrëveshje afatgjatë duhet të vazhdojnë.
Ajo nënvizoi se negociatat thelbësore për një zgjidhje të qëndrueshme janë ende në zhvillim, duke theksuar rëndësinë e dialogut diplomatik për t’i dhënë fund konfliktit.
